موٹرسائیکل سوار 1کروڑ روپےلوٹ کرفرار

خطیر رقم سے محروم ہونے والے کپمنی مالک نے تھانہ نیو ٹاؤن میں مقدمہ درج کراتے ہوئے بتایا کہ گزشتہ روز بینک سے ایک کروڑ کا کیش لیکر نکلے، جیسے ہی اپنی گلی میں داخل ہوئے موٹر سائیکل پر موجود ملزمان نے ہمیں روکا اور رقم طلب کی۔

مدعی نے اپنے بیان میں مزید کہا کہ گاڑی میں مزاحمت کی کوشش کی تو ملزمان نے قتل کی دھمکیاں دیں۔

واقعے کی ایف آئی آر درج ہونے پر پولیس حرکت میں آئی اور ملزمان کی سی سی ٹی وی فوٹیج حاصل کرلی۔ جس کی مدد سے پولیس نے ملزمان کی تلاش شروع کردی ہے۔