قدرتی آفات سے نمٹنے کے قومی ادارے نے قدرتی آفات کے حوالے سے مؤثر تیاری اور ردعمل کیلئے'' پاک این ڈی ایم ڈیزاسٹر الرٹ'' موبائل ایپ کا اجراکیا ہے۔

ایپ کا مقصد قدرتی آفات کی صورت میں عوام کے ساتھ موثر روابط یقینی بنانا ہے۔

اس ایپ کی نمایاں خصوصیات میں تمام تنظیموں اور افراد کے لئے قومی اور علاقائی زبانوں میں صوتی اور تصویری شکل میں انتباہ جاری کرنا ہے۔

 عالمی رہنما آج قازخستان کے دارالحکومت آستانہ میں اکٹھے ہوئے ہیں،  جہاں وہ کل شنگھائی تعاون تنظیم کی کونسل برائے سربراہان مملکت کے چوبیسویں سربراہ اجلاس میں شرکت کریں گے۔

وہ تنظیم کے رکن ملکوں کے درمیان مختلف شعبوں میں تعاون کی موجودہ صورتحال اوراسے مزید مستحکم کرنے کے علاوہ موجودہ عالمی اور علاقائی امور پر بھی تبادلہ خیال کریں گے۔اجلاس کے اختتام پر عالمی رہنما اعلامیہ آستانہ اور دوسری مشترکہ دستاویزات پردستخط کرینگے۔وزیراعظم شہبازشریف سربراہ اجلاس میں اپنے وفد کے ہمراہ پاکستان کی نمائندگی کررہے ہیں۔

وہ اہم علاقائی اور عالمی امور پر پاکستان کا موقف پیش کرینگے اور اس بات پر زوردینگے کہ پاکستان شنگھائی تعاون تنظیم کے رکن ملکوں کے ساتھ علاقائی روابط بڑھانے اور تعاون کو انتہائی اہمیت دیتا ہے۔وزیراعظم سربراہ اجلاس کے موقع پر اجلاس میں شریک رہنمائوں سے ملاقاتیں بھی کرینگے۔

ریاض: سعودی عرب نے پاکستانی شہریوں کے لیے سیاحتی ویزا میں  آسانیاں پیدا کر دی ہیں، جس سے درخواست دہندگان کو ایک بینک سٹیٹمنٹ جمع کرانے کی اجازت دی گئی ہے جس میں کم از کم ماہانہ 750 ڈالرجمع ہوں ، یہ  جو فوری طور پر نافذ العمل ہے۔

سعودی حکومت کا کہنا ہے کہ 2023 میں سعودی عرب آنے والے پاکستانی سیاحوں کی تعداد میں پچھلے سال کے مقابلے میں 43 فیصد اضافہ ہوا ہے۔

بیان میں یہ بھی انکشاف کیا گیا کہ سعودی عرب 2024 میں 27 لاکھ پاکستانیوں کو خوش آمدید کہتا ہے ۔

 سعودی عرب نے پشاور، کوئٹہ، لاہور، کراچی، اسلام آباد اور ملتان میں واقع چھ  دفاتر کے ذریعے پاکستانی مسافروں کے لیے ویزا درخواست کے عمل کوآسان بنایا ہے ۔ 

واضح رہے کہ  سعودی عرب نے سعودیہ اور فلائناس کے راستے آنے والے مسافروں کے لیے ٹرانزٹ ویزا متعارف کرایا، جس سے وہ 96 گھنٹے تک ملک کی سیر کر سکتے ہیں۔

گزشتہ سال سعودی عرب نے پاکستانی مسافروں کے لیے ایک سال کا ملٹی پل انٹری ویزا متعارف کرایا تھا۔