پاکستان سٹاک ایکسچینج میں تیزی کا رحجان، 7 سو سے زائد پوائنٹس کا اضافہ

کراچی: پاکستان سٹاک ایکسچینج میں تیزی کا رحجان دیکھا جا رہا ہے۔ 100 انڈیکس 550 پوائنٹس کے اضافے کے بعد 80 ہزار کی نئی بلند ترین سطح عبور کر گیا۔

آج بدھ کے روز بھی کاروبار کے آغاز سے ہی سٹاک ایکسچینج میں زبردست تیزی دیکھی جارہی ہے اور انڈیکس 80 ہزار کی نئی بلند ترین سطح عبور کرچکا ہے۔کاروبار کے آغاز پر 100 انڈیکس میں 460 پوائنٹس کا اضافہ ہوا جس سے انڈیکس  80 ہزار 94 کی نئی بلند ترین سطح پر پہنچ گیا۔

کاروبار کے دوران اب تک 100 انڈیکس میں 550 پوائنٹس کا اضافہ ہوا ہے اور انڈیکس 80 ہزار 103 پر جا پہنچا ہے۔یاد رہےکہ نئے مالی سال کے ابتدائی دو روز میں 100 انڈیکس ایک ہزار سے زائد پوائنٹس بڑھا۔ 

گزشتہ روز بھی کاروباری دن میں 100 انڈیکس میں 728 پوائنٹس اضافہ ہوا اور کاروبار کے اختتام پر انڈیکس 79552 پوائنٹس پر بند ہوا۔