وزیر داخلہ محسن نقوی نے پروٹیکٹڈ صارفین کو اووربلنگ کی شکایات کا نوٹس لیتے ہوئے اووربلنگ کرنے والے افسران اور عملے کیخلاف کارروائی کا حکم دیدیا۔

وزیر داخلہ نے اس حوالے سے ایف آئی اے کے تمام ڈائریکٹرز کو احکامات جاری کرتے ہوئے کہا کہ 200 یونٹ استعمال کرنے والے بجلی صارفین کیساتھ ہونے والی ناانصافی کا ازالہ کیا جائے۔

محسن نقوی نے کہا کہ پروٹیکٹڈ صارفین کو نان پروٹیکٹڈ کیٹگری میں شامل کرنا مجرمانہ فعل ہے، اس کی قطعا ًاجازت نہیں دینگے ،ایف آئی اے تمام صورتحال کا جائزہ لے اور ذمہ داروں کیخلاف بلا امتیاز ایکشن لے۔

وزیر داخلہ نے کہا کہ پروٹیکٹڈ صارفین پہلے ہی مشکلات کا شکار ہیں ،اوور بلنگ سے صارفین پر کروڑوں روپے کا اضافی بوجھ پڑا۔

محکمہ موسمیات کی پیشگوئی کے مطابق آئندہ بارہ گھنٹے کے دوران پنجاب خیبرپختونخوا کشمیر گلگت بلتستان مشرقی اور جنوبی پنجاب اور شمال مشرقی بلوچستان میں تیز ہوائیں چلنے اور گرج چمک کے ساتھ بارش کا امکان ہے۔

آج صبح ریکارڈ کیا گیا بعض شہروں کا درجہ حرارت اسلام آباد اور گلگت 25ڈگری سینٹی گریڈ لاہور 27 ، کراچی 32 ، پشاور 26 ، کوئٹہ اور مظفرآباد 24 ، اور مری 17ڈگری سینٹی گریڈ ریکارڈ کیا گیا ہے ۔ 

بھارت کے غیر قانونی زیرقبضہ جموں و کشمیر میں محکمہ موسمیات کے مطابق سرینگر جموں پلوامہ اننت ناگ شوپیاں اور بارہ مولہ میں مطلع جزوی طور پر ابرآلود رہنے اور گرج چمک کے ساتھ بارش کا امکان ہے۔

آج صبح ریکارڈ کیا گیا درجہ حرارت۔ سرینگر پلوامہ اور بارہ مولہ میں اٹھارہ ڈگری سینٹی گریڈ جموں ستائیس LEHگیارہ اننت ناگ انیس اورشوپیاں میں سترہ ڈگری سینٹی گریڈ۔

نومنتخب وزیراعظم نے تارکین وطن کے حوالے سے بڑی خوشخبری سنا دی۔

غیر ملکی میڈیا رپورٹ کےمطابق نومنتخب برطانوی وزیراعظم کیئر اسٹارمر نے اپنے پہلے دن کی پریس کانفرنس میں روانڈا بھیجنے کے منصوبے کو ختم کرنے کا اعلان کر دیا۔

کیئر اسٹارمر نے انتخابی مہم کے دوران تارکین وطن سے کیا گیا وعدہ پہلے ہی دن پورا کر دیا۔انہوں نے کہا کہ یہ گزشتہ حکومت کی جانب سے تارکین وطن کیلئے بنایا گیا ایک ناکام منصوبہ تھا۔

انہوں نے بتایا کہ اس سے صرف ایک فیصد غیر قانونی تارکین وطن کی تعداد میں کمی ہوگی۔ اس فیصلے سے عدالتی جنگ کا خاتمہ ہوگیا اور برطانیہ کو آئندہ سال اور 2026 میں 50 ملین یورو کی بچت بھی ہوگی۔

کئیر اسٹارمر نے کہا کہ سیاسی پناہ لینے میں ناکام افراد کو بلکہ ان کے آبائی وطن واپس بھیجنا چاہیے۔

اس سے قبل سابق حکمران جماعت کے روانڈا منصوبے کے تحت برطانیہ پہنچنے والے تارکین وطن کو 5 سال کے لیے روانڈا بھیجا جاتا تھا تاکہ وہ اپنے ملک چھوڑنے کی وجوہات کی تصدیق کر سکیں۔

جون 2022 میں اس منصوبے کے تحت پناہ گزینوں کی پہلی پرواز کو عدالت نے منسوخ کر دیا تھا اور یہ منصوبہ قانونی چارہ جوئی کے باعث تعطل کا شکار ہوا تھا۔