کراچی کنگز کا اسلام آباد یونائیٹڈ کو جیت کے لیے 191 رنز کا ہدف

تفصیلات کے مطابق پاکستان سپر لیگ 6کا میچ شیخ زید انٹرنیشنل اسٹیڈیم ابوظہبی میں کھیلا جا رہا ہے، کراچی کنگز نے پہلے بیٹنگ کرتے ہوئے  4 وکٹوں کے نقصان پر 190 رنز بنائے ہیں  اور اسلام آباد یونائیٹڈ کو جیت کے لیے 191 رنز کا ہدف دیا۔

کراچی کنگز کی جانب سے بابر اعظم نے 54 گیندوں پر شاندار 81 رنز کی اننگز کھیلی، دوسرے اینڈ سے نجیب اللہ زادران نے بھی بابر اعظم کا خوب ساتھ دیا اور 71 رنز بنا کر ناٹ آؤٹ رہے۔

اسلام آباد یونائیٹڈ کی جانب سے حسن علی، عاکف جاوید، علی خان اور محمد وسیم نے ایک، ایک وکٹ حاصل کی۔

ا س سے قبل  اسلام آباد یونائیٹڈ کے کپتان شاداب خان نے عماد وسیم الیون کو ٹاس جیت کر پہلے بیٹنگ کی دعوت دی تھی۔ اسلام آباد یونائیٹڈ کی ٹیم میں تین تبدیلیاں کی گئی ہیں۔

شاداب خان کا کہنا تھا کہ حسن علی، محمد اخلاق اور عاکف جاوید کی ٹیم میں واپسی ہوئی ہے، کوشش کریں گے پاور پلے میں جلد وکٹیں حاصل کیں۔

کراچی کنگز کے کپتان عماد وسیم کا کہنا تھا کہ ٹیم میں ایک تبدیلی کی گئی ہے قاسم اکرم کی جگہ عباس آفریدی کو فائنل الیون میں شامل کیا گیا ہے۔

واضح رہے کہ گزشتہ میچ میں ملتان سلطانز نے کراچی کنگز کو 12 رنز سے شکست دی تھی۔