وزیرِ اعظم عمران خان کی ٹریفک پولیس اہلکار قیصر شکیل کی حوصلہ افزائی

تفصیلا ت کے مطابق  وزیرِ اعظم عمران خان نے  ٹریفک پولیس اہلکار قیصر شکیل کی حوصلہ افزائی کی ہے۔ اسلام آباد ٹریفک پولیس  کے ہیڈ کانسٹیبل قیصر شکیل کا کہنا تھا کہ رانگ وے سے آنے والی گاڑی کو روکتے ہوئے پیچھے سے موٹرسائیکل نے ٹکر مار دی تھی۔

حادثے میں قیصر شکیل کا بازو فریکچر ہوگیا تھا، قیصر شکیل صرف 2 دن کی چھٹی کے بعد فریکچر بازو کے ساتھ ڈیوٹی پر واپس آ گئے تھے۔

وزیر اعظم عمران خان نے ہیڈ کانسٹیبل قیصر شکیل کو وزیراعظم ہاؤس بلا کر شاباش دی۔فرض شناسی کی اس عمدہ  مثال پر وزیراعظم  نے قیصر شکیل کیلئے انعام کا اعلان بھی کیا ہے۔