الیکٹرانک ووٹنگ مشینوں کے ذریعے انتخابی عمل میں شفافیت یقینی بنائی جائے گی : وزیراعظم

 تفصیلات کے مطابق آج اسلام آباد میں انتخابی عمل میں الیکٹرانک ووٹنگ مشینوں کے استعمال کے بارے میں ایک اجلاس کی صدارت کرتے ہوئے وزیراعظم نے کہاکہ حکومت ملک میں عام انتخابات میں شفافیت یقینی بنانے کے لئے تمام آئینی تقاضے پورے کرنے کے لئے بھی پُرعزم ہے۔

انہوں نے کہاکہ انتخابی عمل میں شفافیت یقینی بنانے اوردھاندلی روکنے کے لئے الیکٹرانک ووٹنگ مشین کا استعمال ہی واحدحل ہے، اوورسیز پاکستانیوں کو انتخابی عمل میں شریک کریں گے ۔ اجلاس میں وزیراعظم کوالیکٹرانک ووٹنگ مشین کے استعمال اورانتخابی اصلاحات کے حوالے سے قانون سازی کے بارے میں ہونے والی پیشرفت سے آگاہ کیاگیا۔ وزیراعظم عمران خان  نے انتخابی اصلاحات جلد مکمل کرنے کی ہدایت کر دی ۔