شارجہ کی بڑی عمارت میں آتشزدگی

تفصیلات کے مطابق شارجہ کے علاقے الطوان میں تعمیر ہونے والی عمارت میں اچانک آتشزدگی کے بعد  ورکروں کو بھاگ کر جانیں بچانا پڑیں ۔ حادثے کی اطلاع ملنے کے بعد شارجہ سول ڈیفنس کی ٹیمیں حادثے کے مقام پر پہنچ گئی ہیں ۔

سول ڈیفنس حکام کا کہناہے کہ آگ بلند ترین عمارت کے آخری حصے میں صبح نو بجے کے قریب بھڑک اٹھی تھی ، اس وقت سینکڑوں کی تعداد میں ورکرز کام میں مصروف تھے ۔ جبکہ عمارت کے نچلے حصے میں شہری کی رہائش پذیر بھی تھے جنہیں ریسکیوٹیمیوں نے بحفاظت عمارت سے نکال لیا ہے ۔

 آخری اطلاع آنے تک پولیس اور ریسکیو ٹیموں نے تمام افراد کو بحفاظت عمارت سے نکال لیا ہے ۔ اور آگ بجھانےو الی ٹیمیں آگ بجھانے میں مصروف ہیں ۔ سول ڈیفنس حکام کا کہناہے کہ وہ آگ پر قابو پانے کی کوشش کررہے ہیں ، اس حادثے میں کسی جانی و مالی نقصان کی اطلاع نہیں ملی ۔