فرانس میں رافیل لڑاکا طیارے آپس میں ٹکرا کر تباہ، پائلٹس ہلاک

پیرس :فرانس میں ایک دلخراش حادثے میں دو رافیل لڑاکا طیارے آپس میں ٹکرا گئے جس کے نتیجے میں 2پائلٹس ہلاک ہو گئے۔ فرانسیسی حکام کے مطابق یہ حادثہ ملک کے مشرقی حصے میں پیش آیا۔

فرانسیسی صدر ایمانوئیل میکرون نے اس حادثے کی تصدیق کرتے ہوئے بتایا کہ حادثے میں ہلاک ہونے والے پائلٹس کی شناخت کیپٹن سیبسٹین مبیرے اور لیفٹیننٹ ماتھیس لارینس کے طور پر ہوئی ہے۔ ایک اور پائلٹ کو بچا لیا گیا ہے جو محفوظ حالت میں ہے۔

فرانسیسی میڈیا کے مطابق یہ دونوں طیارے معمول کی پرواز پر تھے جب یہ حادثہ پیش آیا۔ حادثے کے بعد دونوں طیارے تباہ ہوگئے۔

فرانسیسی وزیر دفاع سیبسٹین لیکرنو نے سوشل میڈیا پر اس حادثے کی تفصیلات شیئر کرتے ہوئے بتایا کہ یہ طیارے شمال مشرقی فرانس کے شہر کولمبو لیس بیلز میں سینٹ ڈیزیئر فوجی تنصیب پر تعینات تھے۔

اس حادثے کی وجوہات کا تعین کرنے کے لیے ایک تفصیلی تحقیقات کا آغاز کر دیا گیا ہے۔