لام فیشن ویک تمام ترجلوے اور رنگینیاں بکھیرتا اختتام پذیر

عبدالسلام علی سے 

لاہور: لام فیشن ویک تمام تر جلوے اور  رنگینیاں بکھیرتا اختتام پذیر ہو گیا،، آخری روز اداکارہ صبور علی ،ایمن خان، مہرین راحیل اور زارا نور عباس سمیت مختلف شوبز شخصیات ریمپ پر افروز ہوئیں۔

مشرقی مغربی ملبوسات کے حسین امتزاج کے ساتھ ساتھ میوزک کے تڑکے نے بھی شو کی رونق بڑھا دی۔ 

ایکسپو سینٹر لاہور میں جاری چار روزہ فیشن ویک اختتام کو پہنچا تینوں دن فیشن کے نت نئے رنگوں کی بہار چھائی رہی، دیسی ملبوسات چھائے رہے۔

آخری روز اداکارہ صبور علی، ایمن خان، مہرین راحیل  اور زارا نور  عباس کی خوبصورت انٹری سے شو کو چار چاند لگ گئے۔ 

فیشن انڈسٹری سے وابستہ شخصیات نے ملکی فیشن کا مستقبل تابناک قرار دیا، ان کا کہنا تھا کہ ایسے ایونٹس کا انعقاد ہوتے رہنا چاہیے،، آخر میں فیشن آئیکون ایچ ایس وائی کی سالگرہ کا کیک کاٹا گیا۔