ژوب میں پولیس پر حملہ، اے ایس آئی سمیت 3 اہلکار شہید

ژوب : بلوچستان کے علاقے ژوب میں پولیس کی گاڑی پر مسلح افراد نے فائرنگ کر دی جس کے نتیجے میں انسدادِ دہشتگردی فورس (اے ٹی ایف) کے ایک اے ایس آئی سمیت تین اہلکار شہید ہو گئے۔

پولیس کے مطابق یہ واقعہ ژوب کے قریب پیش آیا جب پولیس کی گاڑی پر فائرنگ کی گئی۔ فائرنگ میں ایک اے ایس آئی موقع پر ہی جاں بحق ہو گئے جبکہ تین دیگر اہلکار زخمی ہو گئے۔ زخمیوں کو فوری طور پر قریبی ہسپتال منتقل کیا گیا جہاں علاج کے دوران دو مزید اہلکار زخموں کی تاب نہ لاتے ہوئے شہید ہو گئے۔

شہید اہلکاروں میں سے دو کی شناخت امیر محمد منگل زئی شیرانی اور شفیق اللہ کے نام سے ہوئی ہے۔

پولیس نے واقعے کی جائے وقوع کو گھیرے میں لے لیا ہے اور حملہ آوروں کی تلاش شروع کر دی ہے۔