سونے کی آج پھرلمبی چھلانگ،فی تولہ کئی ہزار روپے مہنگا، نئی قیمت کیا ہو گئی؟

کراچی:عالمی مقامی مارکیٹوں میں سونے کی قیمتوںمیں کئی ہزار روپے کا اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روزمقامی مارکیٹوںمیںفی تولہ سونا 10ہزار روپے مہنگا ہوکر 5 لاکھ 50 ہزار 562 روپے کا ہوگیا ہے۔

ایسوسی ایشن کے مطابق اسی طرح دس گرام سونا 8574 روپے مہنگا ہوکر 4 لاکھ 72 ہزار 18 روپے کی سطح پر پہنچ گیا جبکہ ایک تولہ چاندی 388 روپے اضافے کے بعد 9862 روپے پر پہنچ گئی ہے۔

علاوہ ازاں فی تولہ چاندی کی قیمت 270 روپے اضافے کے ساتھ 9ہزار 474 روپے کی سطح پر آگئی جبکہ فی دس گرام چاندی کی قیمت 232روپے کے اضافے سے 8ہزار 122روپے کی سطح پر آگئی۔

دوسری جانب عالمی بلین مارکیٹ میں بھی سونے کی قیمتوں میں نمایاں اضافہ ریکارڈ کیا گیا ہے آج ہفتے کے روز 100 ڈالر مہنگا ہوکر 5278 ڈالر فی اونس پر آگیا۔

خیال رہے کہ گزشتہ روز عالمی اور مقامی مارکیٹوں میں سونے کی قیمت مستحکم جبکہ چاندی کی قیمت میں اضافہ ہواتھا،گزشتہ روزبین الاقوامی بلین مارکیٹ میں فی اونس سونے کی قیمت بغیر کسی تبدیلی کے 5ہزار 178ڈالر کی سطح پر مستحکم رہی تھی۔