پاکستان نے افغانستان کی اہم فوجی تنصیبات کو تباہ کردیا

پاکستان نے افغان طالبان کی جانب سے پاک ۔ افغان سرحد پر بلا اشتعال جارحیت کے جواب میں افغانستان کی متعدد اہم فوجی تنصیبات کو تباہ کردیا ہے۔

سکیورٹی فورسز کے مطابق پاک فوج نے پاک افغان سرحد پر فیصلہ کن اور مؤثر جوابی حملے کئے اور افغان طالبان کی متعدد چوکیوں پر قبضہ کرلیا۔

پاک فوج نے پاک افغان سرحد پر افغان طالبان کو شکست دے دی اور متعدد افغان چوکیوں پر پاکستان کا قومی پرچم لہرا دیا۔

سکیورٹی فورسز نے GURSAL سیکٹر میں بھی افغان طالبان کی چوکیوں کو تباہ کردیا اور چترال سیکٹر کے قریب افغان طالبان کے BARIKOT BASE کو کامیابی سے نشانہ بنایا اور اسے تباہ کردیا جبکہ کرم سیکٹر کے قریب بھی افغان طالبان کے متعدد ٹھکانوں کو تباہ کردیا گیا ہے۔

پاک فضائیہ نے آپریشن غضب للحق کے تحت افغانستان میں فضائی حملے بھی کئے اور ننگر ہار کے قریب ایک بڑا فوجی ڈپو تباہ کر دیا۔