احتجاج میں توڑ پھوڑ اور جلاؤ گھیراؤ، بانی چیئرمین کو نامزد مقدمات میں شامل تفتیش کرنے کا فیصلہ

پاکستان تحریک انصاف (پی ٹی آئی) کے احتجاج میں توڑ پھوڑ اور جلاؤ گھیراؤ کے مقدمات کے معاملے پر پولیس نے بانی چیئرمین پی ٹی آئی اور سابق وزیراعظم عمران خان کو نامزد مقدمات میں شامل تفتیش کرنے کا فیصلہ کرلیا۔

پولیس ذرائع کے مطابق بانی چیئرمین پی ٹی آئی عمران خان کے خلاف مقدمات کو یکجا کرکے شامل تفتیش کیا جائے گا، سابق وزیراعظم کو احتجاج اور انتشار پھیلانے کی ایما پر مقدمات میں ملزم نامزد کیا گیا۔

ذرائع کا کہنا ہے کہ عمران خان کو شامل تفتیش کرنے کے لیے اسلام آباد پولیس ٹیم اڈیالہ جائے گی، پولیس نے احتجاج کے دوران تحویل میں لی گئی کے پی کی سرکاری گاڑیاں بھی ریکارڈ کا حصہ بنا دیں۔

دوسری جانب پی ٹی آئی کے ضلعی صدر عامر مغل کی گرفتاری کے لیے پولیس کے چھاپے جاری ہیں ۔