ورون دھو ن اورنتاشا دلال رشتہ ازدواج میں منسلک

بالی وڈ اداکار ورون دھون  نے سوشل فوٹو اینڈ ویڈیو شئیرنگ  ایپ انسٹا گرام پر  اپنی شادی کی تصاویر  شیئر کی ہیں  اور اعلان کرتے ہوئے لکھاکہ یہ پیار باقاعدہ رشتے میں تبدیل ہو گیا ہے ۔ان تصاویر میں دونوں بے حد خوش  نظر آرہے ہیں ۔بھارتی فلم انڈسٹری کے معروف ہدایت کار ڈیوڈدھون کے بیٹے ورون دھون کی ڈیزائنر نتاشا دلال کے ساتھ شادی کی تقریبات کا آغاز22 جنوری سے  ممبئی کے ساحلی علاقے علی باغ  میں قائم  مینشن ہاؤس میں ہوچکا ہے ، اور  وہ شادی کے بندھن میں بندھ چکے ہیں ۔ ورون کے چچا اور اداکار انیل دھون کی جانب سے 24 جنوری کواداکار کی شادی کی تصدیق کی گئی تھی ۔ بھارتی میڈیا رپورٹس کے مطابق کورونا کے باعث  شادی کی تقریب محدود رکھی گئی  ہے اور مہمانوں میں صرف 50 افراد کو مدعو کیا گیا ہے ۔

 اداکار  ورون دھون اور نتاشا اسکول کے دنوں سے ایک دوسرے کو جانتے ہیں ۔ ایک انٹرویو کے دوران انہوں نے بتایا تھا کہ"  میں کلاس 6 میں پہلی بار نتاشا سے ملا تھا۔ 11 ویں یا 12 ویں تک ہم اچھے دوست تھے، پھر ہم کلوز فرینڈ بن گئے"۔نتاشا نے  فیشن انسٹی ٹیوٹ آف ٹیکنالوجی  نیویارک سے فیشن ڈیزائننگ کی ڈگری حاصل کررکھی ہے ۔