مدارس کی  رجسٹریشن اور اصلاحات سے متعلق علماء مشائخ کا اہم اجلاس آج اسلام آباد میں ہو گا

مدارس کی رجسٹریشن اور اصلاحات کے حوالے سے اہم اجلاس آج اسلام آباد میں  ہو گا جس میں پاکستان بھر سے ہر مکتبہ فکر کے جید علما شرکت کرینگے اور ان سے مدارس اصلاحات اور رجسٹریشن کے حوالے سے رائے لی جائے گی۔

میڈیا ذرائع کے مطابق اجلاس میں ڈائریکٹر جنرل برائے مذہبی تعلیم غلام قمر،وفاقہ وزیر تعلیم خالد مقبول صدیقی ،وفاقی وزیر برائے مذہبی امور سالک حسین ، طاہر اشرفی ، راغب نعیمی اور مولانا عبدالکریم آزاد بھی شریک ہوں گے۔

اجلاس میں 2019ء کو حکومت اور علماء کے درمیان مدارس کے حوالے سے طے پایا جانے والا معاہدہ بھی زیر غور آئے گا۔

مدارس رجسٹریشن کے حوالے سے ڈی جی آر ای 22 اکتوبر 2019ء کو ملک بھر میں قائم کئے گئے، پاکستان بھر میں 17653 مدارس ڈی جی آر ای میں رجسٹرڈ ہیں، 598 مدارس کو 1196 اساتذہ فراہم کئے گئے ہیں، 163 مدارس میں قومی نصاب متعارف کرایا گیا ہے۔

ذرائع کے مطابق 598 مدارس کو 1196 اساتذہ فراہم کیے  گئے اور 163 مدارس میں قومی نصاب متعارف کرایا گیا۔ اب تک 1491 طالب علموں کو پاکستانی ویزے کے حصول اور توسیع میں مدد فراہم کی گئی۔