کیپ ٹاؤن ٹیسٹ: پاکستانی ٹیم فالو آن کا شکار،194 کے اسکور پر پوری ٹیم آؤٹ

کیپ ٹاؤن: پاکستان اور جنوبی افریقہ کےدرمیان دوسرے ٹیسٹ  میچ میں پاکستان کی ٹیم 194 رنز پر آؤٹ ہو گئی۔
جنوبی افریقہ نے اپنی پہلی اننگ میں 615 رنز بنائے تھے،قومی ٹیم کو پہلی اننگز میں 421 رنز کے خسارے کا سامنا ہے اور ٹیم فالوآن کا شکار ہو گئی۔
پاکستان کی جانب سے بابر اعظم 58اور محمد رضوان 46رنز بنا کر نمایاں رہے ،سلمان علی آغا نے 19اور عامر جمال نے 15رنز بنائے، کپتان شان مسعود نے 2اور سعود شکیل بغیر کوئی رن بنائے آؤٹ ہوئے۔
جنوبی افریقا کی جانب سے کیواناماپھاکا اور کیشومہاراج نے دو، دو وکٹیں حاصل کیں۔ مارکو یانسن اور ویان مولڈر نے ایک ایک وکٹ لی۔
اس سے قبل جنوبی افریقا پہلی اننگز میں 615 رنز پر آؤٹ ہوگئی، ریان ریکلٹن نے ڈبل سنچری بنائی، ٹمبا باووما اور کائل ویریانے نے سنچریاں بنائیں۔