لاہور:معمولی تلخ کلامی پر فائرنگ سے سابق ایس ایچ او قتل،ملزم گرفتار

لاہور:صوبائی دارالحکومت لاہور کے علاقے شیراکوٹ  میں معمولی تلخ کلامی پر پولیس انسپکٹراور سابق ایس ایچ اوتھانہ بابو صابو سیف اللہ نیازی کو قتل کر دیا گیا۔
لاہورپولیس کے مطابق تلخ کلامی پر دکاندار عدیل نے فائرنگ کر کے قتل کیا جسے ڈولفن ٹیم نےحراست میں لیکر شیراکوٹ پولیس کے حوالے کر دیا ۔
 پولیس نے ملزم سے اسلحہ برآمد کر کے تحقیقات شروع کر دیں۔
ترجمان ڈولفن کے مطابق ڈولفن ٹیم فائرنگ کی آواز سن کر موقع پر پہنچی تھی، ڈولفن ٹیم 102 نے ملزم عدیل کے فرار کی کوشش ناکام بنائی۔