چین اور بھارت 5 سال بعد براہ راست فضائی سروس دوبارہ شروع کرنے پر رضامند

چین اور بھارت 5 سال بعد براہ راست فضائی سروس دوبارہ شروع کرنے پر رضامند ہوگئے۔

چینی وزیر خارجہ وانگ ای نے بیجنگ میں بھارتی سیکرٹری خارجہ وکرم مسری سے ملاقات میں  براہ راست فضائی سروس دوبارہ شروع کرنے پرآمادگی ظاہر کی۔

بھارتی وزارت خارجہ کے مطابق چین اور بھارت کے درمیان دوبارہ سے براہ راست پروازیں شروع کرنے پر اتفاق ہوگیا ہے۔

پروازوں کی بحالی فریم ورک پر بات چیت کے لیے چینی اور بھارتی حکام میں ملاقات جلد ہوگی۔

واضح رہے کہ چین بھارت متنازع سرحدی علاقے میں 2020 کی فوجی جھڑپوں کے بعد سے دونوں ممالک کے تعلقات کشیدہ ہیں۔ 

اس وجہ سے دونوں ممالک کے درمیان 2020 میں ہی براہ راست فضائی سروسز معطل کر دی گئی تھیں۔