یہ فیصلہ ازسرنو جائزے کے مکمل ہونے تک نافذ العمل رہے گا، امریکی حکام


امریکی حکام نے پاکستان کے لیے مالی امداد بند کرنے کی تصدیق کرتے ہوئے کہا ہے کہ یہ فیصلہ ازسرنو جائزے کے مکمل ہونے تک نافذ العمل رہے گا۔
میڈیا رپورٹس کے مطابق امداد بند ہونے کے باعث پاکستان میں توانائی اور زراعت کے شعبوں کے پانچ بڑے منصوبے تعطل کا شکار ہو گئے ہیں۔ اسی طرح تعلیم، صحت اور اقتصادی ترقی کے شعبوں میں چار، چار اور گورننس کے گیارہ اہم منصوبے متاثر ہوئے ہیں۔
جمہوریت، انسانی حقوق اور ثقافتی تحفظ سے متعلق جاری منصوبے بھی امریکی امداد کے معطل ہونے کی وجہ سے رک گئے ہیں۔
ایک امریکی اہلکار نے خبر رساں اداروں کو بتایا کہ یہ فیصلہ پاکستان کے ساتھ تعلقات کے ازسرنو جائزے کے دوران کیا گیا ہے اور جائزے کی تکمیل تک کسی قسم کی مالی معاونت بحال نہیں کی جائے گی۔
اس فیصلے کے اثرات پاکستان کی مختلف شعبہ جاتی ترقی پر نمایاں طور پر محسوس کیے جا سکتے ہیں۔ ماہرین کا کہنا ہے کہ اس اقدام سے پاکستان کی معیشت اور سماجی ترقی پر گہرے اثرات مرتب ہو سکتے ہیں۔
واضح رہے کہ پاکستان کے علاوہ امریکا نے حالیہ دنوں تقریباً تمام غیر ملکی امدادی پروگراموں کو عارضی طور پر معطل کرنے کی تصدیق بھی کی ہے ، جس میں یوکرین، تائیوان، اردن اور پاکستان سمیت دیگر ممالک شامل ہیں۔ یہ امدادی پروگرام ابتدائی طور پر 90 دن کے لیے معطل کیے گئے ہیں۔
امریکی محکمہ خارجہ نے تمام سفارتی اور قونصل مشنز کو حکم جاری کیا ہے کہ وہ فوری طور پر تمام امدادی پروگراموں کو معطل کریں اور ان سے متعلق ہر قسم کا کام روک دیا جائے۔

ایرانی سر زمین پر حملے عالمی قوانین اور سلامتی کونسل کی قراردادوں کی خلاف ورزی ہے،روس
- 8 hours ago

ایرانی جوہری تنصیبات پر حملے ،یمن کا اسرائیل اور امریکا کیخلاف جنگ میں باضابطہ شمولیت کا اعلان
- 7 hours ago

یو این قراردادوں کے مطابق مسئلہ کشمیر کا حل چاہتے ہیں، اسحاق ڈار
- 11 hours ago

مذاکرات کی پیش کش ابھی بھی موجود ہے،ایران امریکی صدر کے ساتھ چالاکی نہیں کر سکتا،مارکو روبیو
- 8 hours ago

آپریشن مڈنائٹ ہیمر، ایران نے حملہ کیا تو اس کا بھرپور طریقے سے جواب دیا جائے گا،امریکا
- 11 hours ago

اسحاق ڈار کی افغان ہم منصب سے ملاقات،سی پیک اور دو طرفہ تعلقات پر تبادلہ خیال
- 11 hours ago

جوہری تنصیبات پر حملے،ایرانی پارلیمنٹ نے آبنائے ہرمز بند کرنے کی منظوری دے دی
- 11 hours ago

اسرائیل کے ناقابل تسخیر ہونے کا تاثر زمین بوس ہو چکا ،وزیر دفاع
- 6 hours ago

دمشق : چرچ میں خودکش حملہ، 30 افراد ہلاک متعدد زخمی
- 6 hours ago

ایران : موساد کیلئے جاسوسی کے الزام میں ایک اور شخص کو سزائے موت
- 9 hours ago

اسحاق ڈار کی عباس عراقچی سے ملاقات،ایرانی جوہری تنصیبات پر امریکی حملے کی مذمت
- 8 hours ago

ایران،اسرائیل کشیدگی،وزیر اعظم نے قومی سلامتی کمیٹی کا اجلاس طلب کر لیا
- 9 hours ago