امریکا کے سابق سینیٹر باب مینینڈیز کو کرپشن کے الزام میں 11 سال قیدکی سزا

امریکا کے سابق سینیٹر باب مینینڈیز کو کرپشن کے الزام پر سزا سنا دی گئی۔ 

غیر ملکی میڈیا کے مطابق سابق سینیٹر باب مینینڈیز کو 11 برس قید کی سزا سنائی گئی ہے، کرپشن الزامات کی زد میں آنے والے باب ریاست نیو جرسی سے سینیٹر رہے ہیں۔

سینیٹر پر الزام تھا کہ انہوں نے اور ان کی بیوی نے 10لاکھ ڈالر نقد، سونے کی اینٹیں اور لگژری گاڑیاں رشوت کے طورپر لی تھیں۔

 خیال رہے کہ 71 برس کے باب مینینڈیز پر پچھلے سال مین ہٹن کی عدالت نے فرد جرم عائد کی تھی۔