سوئیڈن میں قرآن پاک کی بے حرمتی کرنے والے ملعون کی لاش گھر سے برآمد

سوئیڈن میں عراقی نژاد تارکین وطن سلوان صباح مومیکا کو ان کے اپارٹمنٹ میں گولیاں مار دی گئیں۔

عالمی خبر رساں ادارے کے مطابق 38 سالہ سلوان صباح کی لاش اس کے گھر سے ملی۔ اسے اسپتال لے جایا گیا جہاں ڈاکٹرز نے مردہ قرار دیا۔ پولیس کا کہنا ہے کہ واقعے کے حوالے سے معلومات جمع کر رہے ہیں۔ اب تک حملہ آوروں سے متعلق کوئی اطلاع نہیں ملی۔

یاد رہے کہ اس شخص نے 2023ء میں سوئیڈن میں کئی مرتبہ قرآنِ کریم کی بے حرمتی کی تھی۔ گزشتہ برس اپریل میں بھی ملعون کی موت کی خبر سامنے آئی تھی تاہم اُس وقت حکومت نے تصدیق نہیں کی تھی۔

سلوان مومیکا پر عراق میں دھوکا دہی کے متعدد کیسز ہیں جس پر وہ فرار ہوکر سوئیڈن پہنچا تھا۔ عراق نے حکومتی سطح پر ملعون کی حوالگی کے لیے سوئیڈش حکومت کو باضابطہ درخواست بھی دی تھی۔