کراچی میں ڈیرے ڈالی امریکی خاتون نے واپس جانےکے لیے کونسی نئی شرط رکھ دی؟

کراچی: پاکستانی شہری کی محبت میں مبتلا امریکی خاتون نے واپس جانے کے لیے مشروط طور پر رضامندی ظاہر کر دی ہے۔
 امریکی خاتون اونیجا اینڈریو  نے واپس اپنے ملک جانے کے لیے نئی  شرط رکھی ہے،  خاتون نے اپنے نئے بیان میں کہا کہ میرےپاس اس وقت پیسوں کی کمی ہے، میں اپنے ملک میں واپس جانے کو تیار ہوں۔
خاتون نے مطالبہ کیاکہ مجھے نیویارک واپسی کا ٹکٹ دیا جائے۔ 
اس سے قبل امریکی خاتون کی جانب سے انوکھا دعوی کیا گیا تھااپنے بیان میںامریکی خاتون اونیجا اینڈریو نے دعویٰ کیا کہ وہ مسلمان ہے اور دوسرا دعویٰ یہ کیا ہے کہ اس کی ندال سے شادی ہو چکی ہے اور میں پاکستان اس لیے آئی تھی کہ یہاں سے ہم دونوں (اونیجا اور ندال) نے دبئی جانا تھا۔
امریکی خاتون نےمزید کہا کہ میں مسلمان ہوں اور کسی کو میرے مذہب سے کوئی سروکار نہیں ہونا چاہیے۔ ساتھ ہی اس نے یہ بھی مطالبہ کیا کہ مجھے اس ہفتے کے اندر 2 لاکھ روپے دیئے جائیں۔
واضح رہے کہ امریکی خاتون اونیجا اینڈریو سوشل میڈیا پر دوستی کے بعد کراچی کے 19 سالہ نوجوان ندال سے شادی کرنے پاکستان آئی تھی۔ اس نے پاکستانی لڑکے سے شادی کرنے کے لیے اس نے اپنے شوہر سے طلاق لی اور دو بچوں کو بھی باپ کے پاس ہی چھوڑ دیا۔
دوسری جانی شہری ندال کے گھر والوں نے اس شادی سے انکار کردیا۔ جس کے بعد اونیجا کئی ماہ تک کراچی میں دربدر رہیں اور پھر ان کا واپسی کا ٹکٹ بھی ختم ہوگیا۔
ویزے کی مدت ختم ہونے کے بعد، اے ایس ایف نے انہیں ائیر پورٹ پولیس کے حوالے کردیا تھا۔