صحافیوں کا متنازع پیکا ایکٹ بل کے خلاف ملک بھرمیں شدید احتجاج،پریس کلبز پر سیاہ پرچم لہرا دیے

لاہور:متنازع پیکا ایکٹ بل کے خلاف ملک بھرکے صحافی یک زبان ہوگئے، صحافیوںکی جانب سے سندھ، پنجاب، خیبرپختون خوا اوربلوچستان کے مختلف شہروں میں یوم سیاہ منایاگیا۔
 احتجاج کے دوران صحافیوں نے متنازع پیکا ایکٹ نامنظور، پیکا ایکٹ کالا قانون اور ترمیمی بل واپس لو ، کے نعرے بھی لگائے۔
 پی ایف یو جے کی یوم سیاہ کی اپیل پرکراچی یونین آف جرنلسٹس کے زیراہتمام کراچی پریس کلب کے باپیکاایکٹ ترمیمی کےخلاف ہراحتجاج کیا گیا، دوران احتجاج مظاہرین  نے کراچی پریس کلب پرسیاہ پرچم لہرا دیا۔دوسری جانب پیکا آرڈیننس کیخلاف کراچی پریس کلب سے سامنے وکلا براردری اور صحافتی تنظیموں نے بھی اپنا احتجاج ریکارڈ کرایا،دوران احتجاج وکلا رہنما ہاتھوں پرسیاہ پٹیاں باندھ کرشریک ہوئے اور مارچ کیا۔

شہر قائد کے علاوہ سندھ کےدیگرشہروں میں بھی صحافیوںنے شدید حتجاج ریکارڈ کرایا، حیدرآباد اورمیرپورخاص میں یوم سیاہ منایا گیا۔ جبکہ پريس کلب پر سیاہ پرچم لہرادیے گئے، علاوہ ازیں کندھ کوٹ، خیرپور، جیک آباد، گمبٹ، شکار پور اورسجاول میں بھی متنازع پیکا آرڈیننس کے خلاف احتجاجی مظاہرہ کیا گیا، صحافیوں نے پیکاآرڈیننس کو مسترد کرنے کا مطالبہ کیا۔
بلوچستان کے شہر کوہلو میں بھی صحافیوں نےپیکاایکٹ کوبنیادی آئینی حقوق کےکیخلاف قراردیتے ہوئے اس کو واپس لینے کا مطالبہ کیا۔
دیگر شہروں کی طرح لاہور پریس کلب میں بھی صحافیوں کی بڑی تعداد نے احتجاجی مظاہرہ کیا، پی ایف یو جے کے جنرل سیکریٹری اور صدر پریس کلب ارشد انصاری نے صحافیوں کے ساتھ مل کر پریس کلب کی عمارت پر سیاہ پرچم لہرایا۔

اس موقع پر مظاہرین سے خطاب کرتے ہوئے ارشد انصاری نے کہا کہ پیکا کالا قانون اور حکومت کا اوچھا ہتھکنڈا ہے، کالے قانون کو لاگو کریں گی تو حکومتیں گھر چلی جائیں گی، احتجاج کا سلسلہ جاری رہے گا سی پی این ای، پی بی اے سمیت تمام پریس کلبز پیکا کے خلاف ہیں۔
انہوں نے کہا کہ جب تک کالا قانون ختم نہیں ہوگا نہ خود چین سے بیٹھیں گے نہ بیٹھنے دیں گے،اب اسمبلیوں میں بائیکاٹ ہوں گے، بڑا احتجاجی مارچ اسلام آباد سے سینیٹ و قومی اسمبلی جائے گا۔
 صدرپی ایف یوجےافضل بٹ نے اسلام آباد میں احتجاج سے خطاب کرتے ہوئے کہا کہ متنازعہ پیکا ایکٹ کیخلاف ملک بھرمیں احتجاج کی کال دی گئی تھی، احتجاج میں سب صحافیوں نے بڑھ چڑھ کرشرکت کی، پورےملک کےپریس کلبوں میں آج ہماری کال پراحتجاج ہوا۔
اپنے خطاب میں افضل بٹ نےمزید کہا کہ پی ایف یوجے نے پریس فریڈم موومنٹ کا آغازکیا ہے،انہوں نے کہا کہ ہم نے حکومت کوپہلےبھی خبردارکیاتھاکہ صحافی تقسیم کا شکارنہیں، پی ایف یو جے نے جب تحریک چلائی کامیابی ملی، جنرل ضیاء سے آج تک ہمارے لوگ گرفتارہوئے، کوڑے کھائے ہم نے کمپرومائزنہیں کیا۔
صدرپی ایف یو جے نے کہا کہ جنرل مشرف کے دورمیں ہم نے3ماہ دھرنا دیا، اب نواینڈ نیوروالی لڑائی شروع ہوگئی ہے۔