پاک بھارت کرکٹ ٹاکرا، شوبز شخصیات کی قومی ٹیم کیلئے دعائیں اور نیک تمنائیں

لاہور:پاکستان اور بھارت کے درمیان چیمپئنز ٹرافی کے اہم مقابلے میں جہاں پوری قوم دعا گو ہے وہیں شوبز شخصیات بھی خاصی پرجوش دکھائی دے رہی ہیں۔
اداکارہ وینا ملک ، محسن عباس حیدر اور دردانہ رحمان سمیت غیر ملکی شخصیات بھی ٹیم کو بھرپور سپورٹ کر رہی ہیں۔
جی این این نیوز سے خصوصی گفتگو کرتے ہوئے اداکارہ وینا ملک، محسن عباس حیدر اور دردانہ رحمان نے کہا کہ آج قومی ٹیم سرپرائز دے گی،ہماری ٹیم کسی سے کم نہیں جیت کیلئے میدان میں اتریں جی جان سے کھیلیں اور بھارت کو شکست دیں۔

 دوسری جانب غیر ملکی شخصیات کا کہنا تھا کہ بابر اعظم اور شاہین آفریدی سے امیدیں وابستہ ہیں ہم بھی روایتی حریفوں کے درمیان میچ دیکھیں گے،، امید کرتے ہیں پاکستان ہی جیتے گا۔ 
پاکستان اور بھارت کی کرکٹ ٹیمیں چیمپئنز ٹرافی کے اہم مقابلے میں آج دبئی میں مد مقابل ہو ں گے۔