بیل آؤٹ پروگرام کے پہلے جائزے کے لئے پاکستان کی پوزیشن مستحکم ہے، وزیرخزانہ

وزیر خزانہ محمد اورنگزیب نے کہا ہے کہ بین الاقوامی مالیاتی فنڈ کے سات ارب ڈالر کے بیل آؤٹ پروگرام کے پہلے جائزے کے لئے پاکستان کی پوزیشن مستحکم ہے۔

انہوں نے رائٹرز سے گفتگو کرتے ہوئے کہا کہ آئی ایم ایف کے ساتھ مذاکرات کے دو دور ہوں گے۔

پہلے مرحلے میں تکنیکی جبکہ دوسرے مرحلے میں پالیسی سطح پر مذاکرات ہوں گے۔پاکستان اور آئی ایم ایف کے درمیان بات چیت گزشتہ روز شروع ہوئی۔