معروف گلوکارہ نصیبو لال اور خاوند کے درمیان صلح ہو گئی ، ایف آئی آر واپس لے لی گئی

معروف گلوکارہ نصیبو لال پر خاوند کے تشدد کا معاملہ،دونوں میاں بیوی کے درمیان راضی نامہ ہو گیا گلوکارہ نصیبو لال نے اپنے خاوند کیخلاف مقدمہ واپس لے لیا،، بیان حلفی میں گلوکارہ نے کہا کہ میرے اور خاوند کے درمیان معمولی رنجش تھی جس پر معاملہ بڑھا،اب غلط فہمی دو ر ہو گئی ہے ۔

میں ایف آئی آر واپس لے رہی ہوں ، گلوکارہ نصیبو لال نے مزید کہا کہ اب کوئی قانونی کارروائی نہیں کرنا چاہتی، نہ ہی میڈیکل کروانا چاہتی ہوں۔ بعد ازاں گلوکارہ کی جانب سے دی گئی درخواست واپس لے لی گئی ۔

 

گلوکارہ نصیبو لال کو ان کے خاوند نوید نے تشدد کا نشانہ بنایا تھا ،، جس پر ان کی جانب سے تھانہ شاہدرہ لاہور میں درخواست دی گئی پولیس نے درخواست پر مقدمہ درج کیا تھا۔