پی ایس ایل 10:راولپنڈی اسٹیڈیم میں رنگارنگ افتتاحی تقریب آغاز

راولپنڈی:پاکستان سپر لیگ (پی ایس ایل) 10ویں ایڈیشن کی افتتاحی تقریب کا آغاز ہوگیا ہے۔
راولپنڈی میں جاری ایونٹ کی رنگارنگ تقریب کے آغاز میں قومی ترانہ پڑھا گیا، تقریب کی میزبانی کے فرائض سینئر اداکار حمزہ علی عباسی نے ادا کر رہے ہیں۔
افتتاحی تقریب میں مشہور فنکار عابدہ پروین، علی ظفر ، ابرار الحق، نتاشہ بیگ، طلحہ انجم اور ینگ اسٹنرز پرفارم کرین گے، اس موقع پر آتشبازی کا مظاہرہ بھی ہوگا۔
پی ایس ایل 10 میں کرکٹ کے دنیا کے کئی بڑے نام کمنٹری میں نظر آئیں گے، جن میں انگلینڈ کے سابق کپتان سر الیسٹر کک، وسیم اکرم، ایم سی سی کے سابق صدر مارک نکولس کے نام قابل ذکر ہیں۔
پی ایس ایل 10 کا افتتاحی میچ اسلام آباد یونائیٹڈ اور لاہور قلندرز کے مابین 8 بجے کھیلا جائے گا۔اسلام آباد یونائیٹڈ اس ایونٹ میں اپنے اعزاز کا دفاع کرے گی۔