پی ایس ایل : اسلام آبا دیونائیٹڈ کا ٹاس جیت کر فیلڈنگ کا فیصلہ،قلندرز کی بیٹنگ جاری

راولپنڈی:پاکستان سپر لیگ10 کے پہلے میچ میں اسلام آبا د یونائیٹڈ نے ٹاس جیت کر فیلڈنگ کا فیصلہ کیا ہے۔
راولپنڈی کرکٹ اسٹڈیم میں کھیلے جار ہے میچ میں اب سے کچھ دیر پہلے تک لاہور قلندرز نے 4 وکٹوں کےنقصان پر 80 رنز بنا لیے ہیں۔
ٹاس جیتنے کے بعد اسلام آباد یونائیٹڈ کپتان شاداب خان کا کہنا تھا کہ پہلا میچ ہے پتہ نہیں پچ کیسی ہو گی ،پی ایس ایل کے دسویں ایڈیشن کیلئے پرجوش ہیں،اسلام آباد یونائیٹڈ کی ٹیم متوازن ہے،بیٹنگ لائن بڑی ہو تو دباؤ تھوڑا کم ہوتا ہے۔
ٹاس کے موقع پر لاہور قلندرز کے کپتان شاہین آفریدی نے کہا کہ پی ایس ایل میں اچھی کارکردگی دکھانے کیلئے پرعزم ہیں،ڈیرل مچل سمیت بہترین غیرملکی کھلاڑیوں کا ساتھ ہے،پی ایس ایل جیتنا بڑا خوبصورت احساس ہوتا ہے۔