دس سالہ گھریلو ملازمہ میاں بیوی کے مبینہ تشدد سے ہلاک

صوبائی دارالحکومت لاہور میں مالکن کے مبینہ تشدد سےگھر میں کام کرنیوالی کمسن ملازمہ جاں بحق ہوگئی۔
تفصیلات کے مطابق یہ افسوسناک واقعہ لاہور کے علاقے ہنجروال میں پیش آیا جہاں ایک ظالم مالکن کے مبینہ تشدد سے گھر میں کام کرنے والی ایک اور ملازمہ جاں بحق ہوگئی۔
پولیس کے مطابق خاتون نے شوہر کے ساتھ مل کر 10 سالہ گھریلو ملازمہ پرمبینہ تشدد کیا۔
پولیس کے مطابق مقدمہ درج کروانے والے مدعی نے فون پر بتایا کہ بچی کے بازو پر معمولی چوٹ آئی ہے، عارف والا سے لاہور پہنچے توبچی مردہ حالت میں تھی۔
انہوں نے مزید بتایا کہ کام ٹھیک نہ کرنے پر بچی کو مالکن اور اس کے خاوند نےقتل کیا ہے۔