حکومت پنجاب کا گاڑیوں سے پیدا ہونیوالی آلودگی کے خاتمے کیلئے ایمیشن ٹیسٹنگ کا آغاز

پنجاب حکومت نے گاڑیوں سے پیدا ہونے والی آلودگی بالخصوص سموگ کے خاتمے کیلئے EMISSION ٹیسٹنگ سسٹم کا آغاز کیا ہے۔

ماحولیاتی تحفظ کے ادارے کے عہدیدار علی اعجاز نے میڈیا سے  بات چیت کرتے ہوئے کہا کہ اس نظام کا باضابطہ آغاز وزیراعلی پنجاب مریم نواز کی جانب سے کیا گیا جنہوں نے پہلا گرین سٹیکر اپنی گاڑی پر لگایا۔

علی اعجاز نے کہا کہ اس وقت ماحولیاتی تحفظ کے ادارے کی ٹیمیں لاہور میں آٹھ مقامات پر چیکنگ کررہی ہیں اور اس نظام کو جلد پورے پنجاب تک وسعت دی جائیگی۔