حج 2025: بچوں کو ساتھ لے جانے پر پابندی عائد

مکہ: سعودی عرب نے چھوٹے بچوں کو حج پر لے جانے پر پابندی عائد کی ہے۔
 سعودی وزارت حج و عمرہ نے کہا ہے کہ یہ فیصلہ حج کے دوران بڑھتے ہوئے ہجوم کی وجہ سے کیا گیا ہےاور بچوں کی حفاظت کے پیش نظر انہیں حج کرنے سے روکا گیا ہے۔
سعودی حکومت نے رواں سال کے آغاز پر ویزا کے سخت قوانین، بہتر حفاظتی اقدامات اور جدید انفراسٹرکچر کو بھی نافذ کیا تھا۔

خیال رہے کہ اس سے قبل یہ فیصلہ فروری 2025 میں سامنے آیا تھا جس پر عملدرآمد کر دیا گیا۔
واضح رہے  کہ رواں سال 10 ہزار اضافی حج کوٹہ ملنے کے باجود پرائیویٹ حج اسکیم کے 67 ہزار عازمین حج فریضہ حج کی سعادت سے محروم رہ جائیں گے۔