ڈیرہ غازی خان میں فائرنگ سے پولیس کانسٹیبل سمیت 2 سگے بھائی جاں بحق

ڈیرہ غازی خان میں فائرنگ سے پولیس کانسٹیبل سمیت 2 سگے بھائی جاں بحق ہوگئے، پولیس نے واقعہ کو پرانی دشمنی کا شاخسانہ قرار دے دیا۔

ڈیرہ غازی خان میں شاہ صدرالدین کے علاقے میں پرانی دشمنی پر فائرنگ کے نتیجے میں پولیس کانسٹیبل سمیت دو سگے بھائی جاں بحق ہوگئے۔

پولیس کے مطابق کانسٹیبل یاسین اور اس کا بھائی عظمت دعوت میں شرکت کے بعد گھر واپس جارہے تھے کہ نامعلوم ملزمان نے گاڑی پر فائرنگ کردی جس کے نتیجے میں دونوں بھائی موقع پر جاں بحق ہوگئے۔

پولیس کے مطابق ملزمان فائرنگ کے بعد موقع سے فرار ہوگئے جبکہ لاشیں ہسپتال منتقل کرکے ملزمان کی گرفتاری کیلئے ٹیم تشکیل دے دی گئی ہیں۔