ہماری ویکیسن کامل نہیں ، لیکن کورونا وبا روکنے میں اہم کردار ہوگا، آسٹرازینیکا

تفصیلات کے مطابق آسٹرازینیکا کمپنی سربراہ کا کہنا ہے کہ  ہماری ویکسین کامل نہیں ہے لیکن کورونا وبا روکنے میں اس کا اہم کردار ہوگا۔ہماری ویکسین بہت اچھی ہے، فروری میں کوئی اور ویکسین کی 100 ملین خوراکیں نہیں دے رہا۔

سربراہ آسٹرا زینیکا کمپنی نے دعویٰ کیا ہے کہ  ہماری ویکسین لاکھوں زندگیاں بچا سکتی ہے، اپریل سے ہر ماہ ویکسین کی 200 ملین خوراکیں سپلائی کریں گے، ایک یا دو سال بعد جب ہم مڑ کر ماضی کی طرف دیکھیں گے تواحساس ہوگا ہماری ویکسین نے اہم کردار ادا کیا۔

آسٹرا زینیکا ویکسین کے مؤثر ہونے پر یورپ اور دیگر خطوں میں شبہات، کمپنی  کی سٹاک مارکیٹ ویلیو میں کمی ہوئی ہے،  ویکسین سپلائی پر یورپی یونین سے تنازع بھی  آسٹرا زینیکا کمپنی کی ساکھ متاثر کرنے کا سبب بن گیا۔