اسرائیلی جارحیت غیر مستحکم مشرق وسطیٰ میں وسیع جنگ کو جنم دے سکتی ہے، شمالی کوریا

 پیانگ یانگ: شمالی کوریا نے ایران پر صہیونی جارحیت کی شدید مذمت کرتے ہوئے اسرائیل کو کینسر قرار دے دیا۔

غیر ملکی میڈیاکے مطابق شمالی کوریا نے اسرائیل کے ایران پر حملے کی شدید مذمت کی، انہوں نے کہا کہ مشرق وسطیٰ کے امن کے لیے اسرائیل بیماری بن چکا ہے، خطے میں ایک نئی جنگ کا خطرہ بڑھ رہا ہے۔

 وزارت خارجہ کی جانب سے جاری بیان میں کہا گیا ہے کہ ایران پر اسرائیلی حملے غیرقانونی اورانسانیت کےخلاف جرم ہیں، ہم اسرائیلی جارحیت کی مذمت کرتے ہیں۔

ترجمان شمالی وزارت خارجہ نے کہا کہ اسرائیلی جارحیت غیر مستحکم مشرق وسطیٰ میں وسیع جنگ کو جنم دے سکتی ہے، جس کے اثرات عالمی امن کو اپنی لپیٹ میں لے سکتے ہیں۔

انہوں نے کہا کہ اسرائیلی حملوں سے شہریوں کو نشانہ بنانا انسانیت کے خلاف ناقابل معافی جرم ہے، عالمی قوتیں اور ادارے اپنا کردار ادا کریں، جنگ کسی مسئلے کا حل نہیں، جنگ کے حامیوں کو جواب دینے کا وقت آگیا ہے۔

شمالی کوریا کی وزارت خارجہ کے بیان میں فوری جنگ بندی کی اپیل کرتے ہوئے کہا گیا ہے کہ عالمی قوتیں اور ادارے اپنا کردار ادا کریں۔
بیان میں کہا گیا ہے کہ جنگ کسی مسئلے کا حل نہیں۔ جنگ کے حامیوں کو جواب دینے کا وقت آگیا ہے۔