پاکستان اسٹاک ایکسچینج میں زبردست تیزی،انڈیکس تاریخ کی نئی بلند ترین سطح پر پہنچ گیا

کراچی : پاکستان اسٹاک ایکسچینج میںمسلسل دوسرے روز تیزی کا سلسلہ برقرار رہا اور انڈیکس تاریخ کی نئی بلند ترین سطح پر پہنچ گیا۔

دوسری جانب تبادلہ مارکیٹ میں روپے کے مقابلے میں ڈالر کی قیمت میں بھی کمی ریکارڈ کی گئی۔

تفصیلات کے مطابق کاروباری ہفتے کے دوسرے روز بھی اسٹاک مارکیٹ میں تیزی کا رجحان رہا ، کاروبار کے آغاز پر 100 انڈیکس میں 250 پوائنٹس کا اضافہ ہوا جس سےانڈیکس ایک لاکھ 33 ہزار 620 پوائنٹس پر ٹریڈ کرتے دیکھا گیا۔

خیال رہے کہ گزشتہ روز بھی کاروباری دن کے اختتام پر انڈیکس بڑے اضافے کیساتھ ایک لاکھ ، 33 ہزار 370 پوائنٹس پر بند ہوا تھا۔

دوسری جانب انٹربینک میں امریکی کرنسی کی قیمت میں بھی کمی ہوئی ہے ، انٹر بینک میں ڈالر 20 پیسے سستا ہونے کے بعد 284 روپے 2 پیسے کا ہو گیا۔