امریکی صدرٹرمپ کا جاپان ،جنوبی کوریا سمیت مزید کئی ممالک پر ٹیرف لگانے کا اعلان

واشنگٹن ڈی سی : امریکی صدر ڈونلڈ ٹرمپ نے جاپان ،جنوبی کوریا سمیت مزید کئی ممالک پر ٹیرف لگانے کا اعلان کرتے ہوئے عائد تجارتی ٹیکسوں سے متعلق خطوط سوشل میڈیا پر پوسٹ کرنا شروع کر دیئے۔

غیر ملکی میٖڈیا رپورٹس کے مطابق امریکی صدرڈونلڈ ٹرمپ نے اعلان کیا کہ یکم اگست سے جاپان اور جنوبی کوریا سے آنے والی اشیاء پر 25 فیصد ٹیرف وصول کیا جائے گا۔

اس کے علاوہ امریکی صدر نے تیونس پر 25 فیصد،انڈونیشیا پر 32 فیصد، بوسنیا پر 30 فیصد اور بنگلا دیش پر 35 فیصد ٹیرف عائد کرنے کا اعلان کیا۔

ان کا مزید کہنا تھا کہ سربیا پر 35 ، کیمبوڈیا 36 فیصد ، تھائی لینڈ 36 ، ملائیشیا ، قازقستان پر 25 ، جنوبی افریقا 30 فیصد، لاؤس سے 40  اور میانمار سے 40 فیصد ٹیرف وصول کیا جائے گا۔

امریکی صدر کا کہنا تھا کہ ملائیشیا اور قازقستان پر 25 فیصد ٹیرف لگائیں گے۔

خیال رہےکہ اس سے قبل پیر کو امریکا نے مختلف ممالک پر ٹیرف میں اضافے کی ڈیڈ لائن 9 جولائی سے بڑھا کر یکم اگست کرنے کا اعلان کیا تھا۔