بنگلادیش کے خلاف ٹی 20سیریز کے لیے قومی ٹیم کے 15 رکنی اسکواڈ کا اعلان 

لاہور: پاکستان کرکٹ بورڈ (پی سی بی) نے بنگلہ دیش کے خلاف رواں ماہ جولائی میں ہونےوالی ٹی 20 سیریز کے لیے قومی ٹیم کے 15 رکنی اسکواڈ کا اعلان کردیا۔

تفصیلات کے مطابق بنگلہ دیش کے خلا ف قومی ٹیم کی قیاد ت سلمان علی آغا کریں گے،جبکہ اسکواڈ کے دیگرکھلاڑیوںمیں ابرار احمد، احمد دانیال، فہیم اشرف، فخر زمان، حسین طلعت، خوشدل شاہ، عباس آفریدی شامل ہیں۔

اسی طرح نوجوان اوپنر بلے باز صاحبزادہ فرحان، محمد حارث، صائم ایوب، سلمان مرزا، محمد نواز اور سفیان بھی اسکواڈ کا حصہ ہیں۔

بورڈ کی جانب سے قومی اسکواڈ میں نوجوان اور تجربہ کار کھلاڑیوں کا امتزاج شامل کیا گیا ہے۔

خیال رہے کہ پاکستان اور بنگلہ دیش کے درمیان ٹی 20سیریز کے تینوں میچز 20، 22 اور 24 جولائی کو ڈھاکا میں کھیلے جائیں گے،دونوں ممالک کے درمیان یہ سیریز ورلڈ کپ سے قبل کھلاڑیوں کے کمبی نیشن کو جانچنے کا اہم موقع ثابت ہوگی۔