ندا یاسر کا والدہ کے انتقال کے بعد اپنے رویے کے متعلق بڑا انکشاف

 پاکستانی اداکارہ  اور مشہور ٹی وی میزبان  ندا یاسر نے اپنی والدہ کے انتقال کے بارے میں بات کرتے ہوئے بتایا کہ وہ ان کی وفات کے بعد اس قدر صدمے میں تھی کہ ان کے لہجے میں قریبی رشتوں کے لیے بھی تلخی آگئی تھی۔

حال ہی میں ندا یاسر نے اپنے مارننگ شو " گڈ مارننگ پاکستان " میں اپنی والدہ کے متعلق گفتگو کرتے کہا کہ جب ان کی والدہ کا انتقال ہو ا تو ملک سے باہر ہونے کی وجہ سے وہ جنازے میں شریک نا ہو سکیں۔

ان کا مزید کہنا تھا کہ وہ اس قدر غمگین تھیں کہ اپنی والدہ کے وائس پیغامات سنتی رہتی اور ان سے خود کو تسلی دیتی لیکن غم اتنا شدید تھا کہ وہ اپنی والدہ کی آواز سن کر رونے لگتیں۔

میزبان نے بتایا کہ وہ اس حد تک اس دکھ کے زیر اثر تھیں کہ ان کا رویہ اپنے گھر والوں کے ساتھ بھی تلخ ہو گیا تھا اور انہیں سمجھ نہیں آرہا تھا کہ اس صدمے سے کیسے نکلا جائے۔

ندا یاسر کے مطابق انہوں نے  اپنے رویے پر غور کیا اور فیصلہ کیا کہ اگر انہوں نے اس میں تبدیلی نا کی تو اپنے باقی رشتوں کے ساتھ ناانصافی کرتی رہیں گی لہذا انہوں نے طے کیا کہ آئندہ وہ اپنی والدہ کے پیغامات نہیں سنیں گی۔

انہوں نے مزید بتایا کہ ان کی والدہ کے بھیجے گئے وائس میسجز ان کے پاس آج بھی موجود ہیں لیکن اب وہ انہیں سننے کی ہمت نہیں  رکھتیں۔