پہلا ٹی20:  بنگلہ دیش کا پاکستان کیخلاف ٹاس جیت کر باؤلنگ کا فیصلہ

ڈھاکہ: پہلے ٹی 20میچ میں بنگلہ دیش نے پاکستان کے خلاف ٹاس جیت کر پہلے فیلڈنگ کرنے کا فیصلہ کیا ہے۔

پاکستان اور بنگلہ دیش کے درمیان3 میچوں کی سیریز کا پہلا ٹی 20 میچ بنگلہ دیش کے دارالحکومت ڈھاکہ میں کھیلا جا رہا ہے۔

ٹاس جیتنے کے بعد قومی ٹیم کے کپتان سلمان علی آغا نے گفتگو کرتے ہوئے کہا کہ اگر ٹاس جیتتے تو ہم بھی پہلے فیلڈنگ کا فیصلہ کرتے،ان کا کہنا تھا کہ کراچی میں کیمپ کے دوران اچھی تیاری رہی ۔
بنگلہ دیش کے کپتان نے کہا کہ اس پچ پر 140 کا ٹوٹل اچھا اسکور ہو گا۔

پاک بنگلہ دیش ٹی 20 سیریز کی ٹرافی کی رونمائی گزشتہ روز ڈھاکا کے ہوٹل میں دونوں کپتانوں کی موجودگی میں کی گئی، اس موقع پر پاکستانی قائد سلمان علی آغا اور بنگلہ دیشی ہم منصب لٹن داس نے ٹرافی کے ہمراہ پوز دیئے۔

واضح رہے کہ آج بارش کی پیش گوئی کی گئی جبکہ سیریز کے بارش سے متاثر ہونے کا خدشہ ہے۔