امریکا ایران کے ساتھ مذاکرات کیلئے اب بھی تیار ہے، ترجمان وائٹ ہاؤس

ترجمان وائٹ ہاؤس کیرولائن لیوٹ نے کہا کہ ٹرمپ دنیا میں جنگیں رکوانے میں مصروف ہیں اور امریکا ایران کے ساتھ مذاکرات کیلئے اب بھی تیار ہے۔

ترجمان وائٹ ہاؤس کیرولائن لیوٹ نے پریس بریفنگ کے دوران کہا کہ امریکی صدر نے بھارت اور پاکستان کے درمیان جنگ رکوائی۔

امریکی صدر روس اور یوکرین کے درمیان فوری جنگ بندی چاہتے ہیں، ٹرمپ غزہ میں بھی جنگ بندی اور یرغمالیوں کی فوری رہائی چاہتے ہیں۔

کیرولائن لیوٹ نے کہا کہ وزیر خارجہ مارکو روبیو نے شام میں کشیدگی کے خاتمے کیلئے مداخلت کی، ٹرمپ شام اور غزہ میں چرچ پر اسرائیلی بمباری سے مایوس ہوئے۔