گلگت بلتستان:لاپتہ جرمن خاتون کوہ پیما جانبر نا ہو سکی، موت کی تصدیق

گلگت: لاپتہ سابق اولمپک چیمپئن اورجرمن کوہ پیما لاؤرا ڈالمائر کے انتقال کی تصدیق کر دی گئی ہے،ان کی تلاش گزشتہ دو روز سے جاری تھی۔
الپائن کلب آف پاکستان کے مطابق جرمن کوہ پیما لاؤرا ڈالمائر لیلیٰ پیک) 094 6میٹر) کو سر کرنے کی کوشش کے دوران اُس وقت حادثے کا شکار ہوئیں، جب وہ تقریباً 5 ہزار 700 میٹر کی بلندی پر گرنے والے پتھروں کی زد میں آ گئیں تھی۔

الپائن کلب نے بتایا کہ حادثے کا شکار ہونے والی سابق اولمپک چیمپن لااؤرا ڈالمائر کو ریسکیو کرنے کی تمام کوششیں خراب موسم کے باعث ناکام رہیں، اس دوران زخمی کوہ پیما انتقال کر گئیں ۔

الپائن کلب نے کو خراج عقیدت پیش کرتے ہوئے اپنے بیان میں کہا کہ جرمن کوہ پیما نے اپنی زندگی کا اختتام اسی کام کو انجام دیتے ہوئے کیا جس سے وہ سب سے زیادہ محبت کرتی تھیں۔ ان کی ہمت، عزم اور جذبے نے کھیلوں اور کوہ پیمائی کی دنیا میں لازوال نقوش چھوڑےہیں۔

واضح رہے کہ 28 جولائی کو دو خاتون جرمن کوہ پیما مسز کروس مرینہ ایوا اورلاؤرا ڈالمائر گلگت بلتستان کے علاقے ہوشے ویلی میںلیلیٰ پیک سر کرنے کے دوران لینڈ سلائیڈنگ کی زد آگئی تھیں۔جن میں سے ایک کو ریسکیو کر لیا گیاتھا جبکہ دوسری خاتون زخمی حالت میں لا پتہ تھی۔