ورلڈ چیمپئن شپ آف لیجنڈز کا فائنل آج پاکستان اورجنوبی افریقہ کے درمیان کھیلا جائے گا 

برمنگھم: ورلڈ چیمپئن شپ آف لیجنڈز کا فائنل آج کھیلا جائے گا جس میں پاکستان اور جنوبی افریقہ کی ٹیمیں مدِمقابل ہوں گی۔

ایونٹ کے پہلے سیمی فائنل میں بھارت کے پاکستان کیخلاف کھیلنے سے انکار کر دیا تھاجس کی وجہ سےقومی ٹیم نے فائنل تک رسائی حاصل کر لی۔

جبکہ دوسرے سیمی فائنل میں ساؤتھ افریقا نے آسٹریلیا کو 1 رن سے سنسنی خیزمقابلے میں شکست دیکرفائنل میں جگہ بنائی۔

اس موقع پر شاہد آفریدی نے کہا ہے کہ ٹیم بہترین کارکردگی کیلئے پُرعزم ہے اورشائقین کوشاندارکھیل دیکھنے کو ملے گا،ساؤتھ افریقہ کے کھلاڑیوں نے بھی فائنل جیتنے کے لیے بھرپورمحنت کا عزم ظاہرکیا ہے۔

دوسری جانب کرکٹ پنڈتوں نے پاکستان کو مضبوط ٹیم قراردیا ہے تاہم جنوبی افریقہ نے بھی شاندارکارکردگی سے پوائنٹس ٹیبل میں بلندی حاصل کی۔