ایشیا کپ 2025کےلیے میچ آفیشلز کا اعلان کر دیا گیا

دبئی: ایشن کرکٹ کونسل ( اے سی سی)ایشیا کپ ٹی ٹونٹی 2025 کے میچ آفیشلز کا اعلان کر دیا گیا۔

تفصیلات کے مطابق ایشیا کپ ٹی ٹونٹی 2025 کے لیے پاکستان کے 2 امپائرز میچ آفیشلز امپائرنگ کے فرائض سرانجام دیں گے،جن میں آصف یعقوب اور فیصل آفریدی شامل ہیں۔

 اسی طرح سری لنکا، بھارت، افغانستان اور بنگلہ دیش کے بھی دو دو امپائرز کو میچ آفیشلز میں شامل کیا گیا ہے۔  رچی رچرڈسن اور اینڈی پائیکروفٹ میچ ریفری مقرر کر دیئے گئے۔

 ٹورنامنٹ کے افتتاحی میچ میں آصف یعقوب آن فیلڈ اور فیصل آفریدی ٹی وی امپائر ہوں گے۔ 

خیال رہے کہ ایشیا کپ 2025 کا پہلا میچ افغانستان اور ہانگ کانگ کے درمیان کل 9 ستمبر کو ابوظہبی میں کھیلا جائے گاجبکہ راویتی حریف پاکستان اور بھارت کے درمیان میچ 14 ستمبر کو دبئی میں شیڈول ہے۔

ایشیا کپ 2025 متحدہ عرب امارات (یو اے ای) میں کھیلا جا رہا ہے۔ جو 9 ستمبر سے 28 ستمبر تک جاری رہے گا۔ ایشیا کپ میں 8 ٹیمیں حصہ لے رہی ہیں۔

گروپ اے میں بھارت، پاکستان، متحدہ عرب امارات اور عمان شامل ہیں۔ جبکہ گروپ بی میں بنگلہ دیش، سری لنکا، افغانستان اور ہانگ کانگ کھیل رہا ہے۔