ایشیا کپ: افتتاحی میچ میں افغانستان کا ہانگ کانگ کیخلاف ٹاس جیت کر پہلے بلے بازی کا فیصلہ

ابوظہبی: (ایشیا کرکٹ کپ کےافتتاحی میچ میں افغانستان نے ہانگ کانگ کیخلاف ٹاس جیت کر پہلے بیٹنگ کا فیصلہ کیا ہے۔

ابوظہبی کے زید کرکٹ سیٹیڈیم میں ہونیوالے ایشیا کپ 2025 کے افتتاحی میچ میں افغانستان کرکٹ ٹیم کے کپتان راشد خان نے ہانگ کانگ کیخلاف ٹاس جیت کر پہلے بیٹنگ کو ترجیح دی۔ 

دونوں ٹیمیں اس سے قبل ٹی ٹوئنٹی میں5مرتبہ مدمقابل آچکی ہیں جن میں سے3 میں افغانستان اور 2میں ہانگ کانگ کو فتح حاصل ہوئی۔

واضح رہے کہ ٹی ٹوئنٹی فارمیٹ میں کھیلے جانے والے جانے والے ایونٹ میں 8 ٹیموں کو دو گروپس میں تقسیم کیا گیا ہے۔

گروپ اے میں پاکستان، بھارت، عمان اور یو اے ای شامل ہیں جبکہ گروپ بی میں سری لنکا، بنگلادیش، افغانستان اور ہانگ کانگ کی ٹیمیں شامل ہیں۔