جیولین تھرو میں ٹرینیڈاڈ اینڈ ٹوباگو کے کیرشون ویلکوٹ کا شاندار مظاہرہ، گولڈ میڈل اپنے نام کر لیا

ٹوکیو میں جاری ورلڈ ایتھلیٹکس چیمپئن شپ میں جیولین تھرو ایونٹ کے فائنل مقابلے میں ٹرینیڈاڈ اینڈ ٹوباگو کے ایتھلیٹ کیرشون ویلکوٹ نے بہترین کارکردگی کا مظاہرہ کرتے ہوئے گولڈ میڈل حاصل کر لیا۔

ویلکوٹ نے فائنل راؤنڈ میں 88.16 میٹر کی شاندار تھرو کے ساتھ سب کو پیچھے چھوڑ دیا۔

جیولین تھرو کے دیگر نتائج کے مطابق چاندی کا تمغہ اینڈریسن پیٹرز کو ملا ،کانسی کا اعزاز امریکا کے کرٹس تھامپسن کے حصے میں آیا

پاکستان کے ارشد ندیم اس بار میڈل کی دوڑ میں شامل نہ ہو سکے۔

انہوں نے فائنل میں پہلی تھرو: 82.73 میٹر (ساتواں نمبر) ،دوسری تھرو: فاؤل ، تیسری تھرو: 82.75 میٹر ،چوتھی تھرو: فاؤل ، مسلسل دو تھروز میں فاؤل ہونے کے باعث ارشد ندیم اگلے مرحلے میں جگہ نہ بنا سکے۔

اسی طرح بھارت کے دفاعی چیمپئن نیرج چوپڑا بھی غیر معمولی کارکردگی نہ دکھا سکے اور بغیر میڈل کے ایونٹ سے باہر ہو گئے۔

واضح رہے کہ ورلڈ ایتھلیٹکس چیمپئن شپ 2023 کے ٹاپ تین میڈلسٹ اس بار ٹوکیو میں میدان مارنے میں ناکام رہے، جن میں:

نیرج چوپڑا (بھارت)

ارشد ندیم (پاکستان)

جیکب وڈلیچ (جمہوریہ چیک)

شامل تھے۔