ایشیا کپ ٹی20: افغانستان نے سری لنکا کے خلاف ٹاس جیت کر بیٹنگ کا فیصلہ کر لیا

ابو ظبی: ایشیا کپ ٹی ٹوئنٹی 2025 کے گیارہویں میچ میں افغانستان نے سری لنکا کے خلاف ٹاس جیت کر پہلے بیٹنگ کرنے کا فیصلہ کیا ہے۔

یہ اہم مقابلہ گروپ بی میں کھیلا جا رہا ہے، جہاں افغانستان کے کپتان راشد خان نے ٹاس جیت کر پہلے بلے بازی کو ترجیح دی۔

گروپ بی میں سری لنکا دو میچز میں دو فتوحات کے ساتھ چار پوائنٹس لے کر سرِفہرست ہے، جبکہ افغانستان ایک فتح اور ایک شکست کے ساتھ دو پوائنٹس کے ساتھ تیسری پوزیشن پر موجود ہے۔

اس میچ کی اہمیت اس لیے بھی بڑھ گئی ہے کہ اگر افغانستان آج کا میچ ہار جاتا ہے تو وہ ایشیا کپ 2025 سے باہر ہو جائے گا، جبکہ کامیابی کی صورت میں وہ سپر فور مرحلے میں رسائی حاصل کر لے گا۔