سپر اسٹار معمر رانا پہلی مرتبہ اسٹیج پر جلوہ گر،پرفارمنس نے  سپر ہٹ فلم چوڑیاں  کی یاد تازہ کر دی

لاہور: لالی وڈ سپر اسٹار معمر رانا پہلی مرتبہ اسٹیج پر جلوہ گر ہوئے،، ڈرامے نے  سپر ہٹ فلم چوڑیاں  کی یاد تازہ کر دی، اسٹار کاسٹ کے ساتھ ڈرامے کو دیکھنے والوں نے بے حد پسند کیا اور معمر رانا کی اداکاری کو سراہا۔

تفصیلات کے مطبق محفل تھیٹر لاہور میں  پیش کیا جانیوالا ڈرامہ یہ چوڑیاں میں اداکار معمر رانا پہلی مرتبہ جلوہ گر ہوئے،ڈرامے کو دیکھنے کیلئے عوام کی بڑی تعداد امڈ آئی،سپر ہٹ فلم چوڑیاں کی کہانی سے ماخوذ ڈرامے  میں  معمر رانا سمیت معروف اداکاروں نے خوب صورت پرفارمنس کا مظاہرہ کیا۔

اس موقع پر اداکار معمر رانا اور دیگر کا کہنا تھا کہ تھیٹر کی بہتری کے بعد یہاں کام کرنے فیصلہ کیا،،امید ہے ڈرامہ مدتوں یاد رہے گا۔

معروف اداکار وڈائریکٹر نسیم وکی نے کہا کہ  پنجاب حکومت کے احکامات کے بعد ہم نے خوب محنت کی اور آج تھیٹر کو فیملی بنانے  میں کسی حد تک کامیاب ہوئے ہیں۔

ڈرامہ یہ چوڑیاں کی نمایاں کاسٹ میں اداکار معمر رانا، نسیم وکی، خوشبو، مناہل خان،اکرم اداس،کنول فلک، اچھی خان اور دیگر شامل ہیں۔