لیبیا میں تارکین وطن کی دو کشتیاں الٹ گئیں، 4 افراد جاں بحق، متعدد لاپتہ

ویب ڈیسک: افریقی ملک لیبیا کے ساحل پر تارکین وطن کی دو کشتیاں الٹنے سے 4 افرادجاں بحق جبکہ متعددلاپتہ ہو گئے ہیں جن کی تلاش کیلئے آپریشن جاری ہے۔

برطانوی نشریاتی ادارے (بی بی سی) کے مطابق جاں بحق ہونے والے تمام افراد ایک کشتی میں سوار 26 بنگلا دیشی شہری تھے، دوسری کشتی میں تقریباً 70 افراد سوار تھے، جن میں زیادہ تر سوڈانی شہری شامل تھے، تاہم وہاں کسی ہلاکت کی تصدیق نہیں ہو سکی۔

رپورٹس کے مطابق یہ دونوں کشتیاں شمالی افریقا سے اٹلی جانے والے مرکزی بحیرہ روم کے راستے پر تھیں، جسے اقوام متحدہ کی بین الاقوامی تنظیم برائے ہجرت دنیا کا سب سے خطرناک ہجرتی راستہ قرار دیتی ہے،دونوں کشتیوں نے شمال مغربی لیبیا کے شہر الخمز سے روانہ ہوئی تھیں۔

ماہرین نے ایسے واقعات کے تدارک کے لیے محفوظ اور قانونی راستوں کے قیام پر زور دیا ہے تاکہ انسانی اسمگلنگ کے خطرناک نیٹ ورک کا خاتمہ کیا جا سکے۔