ٹرائی سیریز: ٹیم میں کوئی تبدیلی نہیں ، جو حکمت عملی چلتی آرہی ہے،اسی کو لے کر چلیں گے،سلمان آغا

لاہور: پاکستان کرکٹ ٹیم کے کپتان سلمان علی آغا کا کہنا ہے کہ سہ ملکی سیریز کیلئے ٹیم میں کوئی تبدیلی نہیں لا رہے ہیں جو حکمت عملی چلتی آرہی ہے،اسی کو لے کر چلیں گے۔

تفصیلات کے مطابق ان خیالات کا اظہار انہوں نے پیرکے روز راولپنڈی کرکٹ اسٹیڈیم میں پریس کانفرنس کرتے ہوئے کیا۔

پریس کانفرنس میں ان کا کہنا تھا کہ نئے لڑکے جو موجود ہیں کوشش ہوگی سب کو مواقع فراہم کریں۔ مڈل آرڈر میں اچھی پرفارمینس نہیں آرہی ہے،سلمان آغا نے مزید کہا کہ وائٹ بال سیریز میں کارکردگی اچھی رہی ،وہی مومینٹم رکھیں گے۔

سلمان علی آغا نے کہا کہ کوشش کرتے ہیں کہ صائم اور میں دونوں باؤلنگ کریں، ہمارے پاس اچھے آل راؤنڈرز موجود ہیں، ان کو کھلائیں گے۔